ඇමෙරිකානු ගිවිසුම්වලට එරෙහි පෙත්සම් විභාගයට පංච පුද්ගල විනිසුරු මඬුල්ලක්

ඇමරිකානු එක්සත් ජනපදය සමඟ අත්සන් කිරීමට නියමිත මිලේනියම් චැලේන්ජ් කෝපරේෂන් ගිවිසුම, සෝෆා ගිවිසුම හා ඇක්සා ගිවිසුම අත්සන් කිරීම වළක්වන ලෙස සඳහන් කරමින් ශ්‍රේෂ්ඨාධිකරණයට ඉදිරිපත් වූ පෙත්සම් විභාග කිරීම සඳහා පංච පුද්ගල විනිසුරු මඬුල්ලක් නම් කර තිබේ.

අගවිනිසුරු නම් කර ඇති මෙම පංච පුද්ගල විනිසුරු මඩුල්ලේ සභාපතිවරයා ලෙස ශ්‍රේෂ්ඨාධිකරණ විනිසුරු බුවනෙක අලුවිහාරේ මහතා කටයුතු කරයි. එල්.ටී. බී.දෙහිදෙණිය, මුර්දු ප්‍රනාන්දු, එස්. තුරෙයිරාජා , ගාමිණි අමරසේකර යන ශ්‍රේෂ්ඨාධිකරණ විනිසුරුවරු එම පංච පුද්ගල විනිසුරු මඩුල්ලේ සෙසු සාමාජිකයෝ වෙති.

මෙම පෙත්සම් අනිද්දා (13 දා) සළකා බැලීමට නියමිතය. රජයේ වෛද්‍ය නිලධාරීන්ගේ සංගමය, නීතිඥ දර්ශන වේරදුවගේ සහ පූජ්‍ය අගුරුවැල්ලේ ජිනානන්ද හිමියන් විසින් මෙම මූලික අයතිවාසිකම් පෙත්සම් ඉදිරිපත් කර තිබේ.