ඇන්ටන් බාලසිංහම් සැමරේ

- 16 12 2018 - 19:19 - {{hitsCtrl.values.hits}} views - වව්නියාව මධුශංක අමරසිංහ

එල්.ටී.ටී.ඊ. සංවිධානය සක්‍රීයව පැවැති සමයේදී එම සංවිධානයේ න්‍යායාචාර්යවරයා වශයෙන් කටයුතු කළ ඇන්ටන් බාලසිංහම්ගේ 12 වැනි ගුණ සැමරුම් උත්සව යාපනය විශ්වවිද්‍යාලයේදී සහ උතුරු පළාතේ ස්ථාන කිහිපයක පැවැත්විණි.

යාපනය සරසවියේ කෛලාශපති ශාලාවේදී කලා අංශයේ සිසුන් පිරිසක් විසින් ඇන්ටන් බාලසිංහම් මහතාගේ 12 වැනි ගුණ සැමරුම් උත්සවය පවත්වා ඇති අතර, ඊට අමතරව මුලතිව් දිස්ත්‍රික්කයේ පුනරුත්ථාපන වූ හිටපු කොටි සාමාජිකයන්ගේ පක්ෂ ක්‍රියාකාරීන් විසින්ද මෙම ගුණ සැමරුම් උත්සවය පවත්වා ඇත.

එමෙන්ම කිළිනොච්චිය දිස්ත්‍රික්කයේද දෙමළ ජාතික සන්ධානයේ පාර්ලිමේන්තු මන්ත්‍රී එස්. ශ්‍රීධරන් මහතාගේ ප්‍රධානත්වයෙන් සංවිධානය කර තිබූ ඇන්ටන් බාලසිංහම් මහතාගේ 12 වැනි ගුණ සැමරුම සඳහා උතුරු පළාත් සභාවේ හිටපු සභාපති එම්.කේ. සිවාජිලිංගම් මහතාද සහභාගි විය.