ආසාදන යළි වැඩි වී බ්‍රසීලය සෞඛ්‍ය ඇමති වෙනස් කරයි

කොවිඩ්-19 ආසාදිතයන් ඉහළ යාම මධ්‍යයේ රටේ සෞඛ්‍ය පද්ධතිය එකතැන පල්වෙමින් පවතින හෙයින්, බ්‍රසීලයේ සෞඛ්‍ය අමාත්‍ය ධුරයට හෘද රෝග විශේෂඥ මාර්සෙලෝ ක්වීරෝගා පත්කර තිබේ.

ඒ අනුව කොවිඩ්-19 වසංගතය අතරතුර එරට සෞඛ්‍ය අමාත්‍ය ධුරයට පත්වූ සිව්වැන්නා බවට ඔහු පත්වන අතර, මෙම නව පත්කිරීම ජනාධිපති ජෙයර් බොල්සොනාරෝ විසින් ඊයේ (15දා) නිවේදනය කරන ලදී.

විශේෂයෙන්ම පසුගිය මාසය තුළ, දකුණු ඇමරිකානු ජාතිය දරුණු සන්ධිස්ථාන මාලාවක් පසුකරමින්, දිනකට වැඩිම කොවිඩ්-19 මරණ සඳහා නව වාර්තා නැවත නැවතත් පිහිටුවමින් සිටියි.

පසුගිය සතියේදී එය තවත් වාර්තාවක් තැබූ අතර, ජෝන්ස් හොප්කින්ස් විශ්ව විද්‍යාලයේ සංඛ්‍යාලේඛනවලට අනුව, නව මරණ 12,818 ක් සහ නව ආසාදිතයන් 464,000කට වඩා වැඩි සංඛ්‍යාවක් වාර්තා වී ඇත.