ආක්ෂේ කුමාර්ද කොවිඩ් ආසාදිතව රෝහල් ගතවේ

ඉන්දියාවේ දෙවැනි කොරෝනා ආසාදන රැල්ල උත්සන්න වෙමින් පවතිද්දී, එරට ජනප්‍රිය බොලිවුඩ් නළු ආක්ෂේ කුමාර්ටද කොවිඩ්-19 ආසාදනය වී ඇති බව තහවුරු කරයි.

ඔහු සිය ට්විටර් ගිණුමේ පණිවුඩයක් තබමින් කියා සිටියේ වෛද්‍ය උපදෙස් යටතේ පූර්වාරක්ෂාවක් ලෙස තමන් රෝහල්ගතව සිටින බවයි.

පසුගිය සති කිහිපය තුළ ඉන්දියාවේ බොලිවුඩ් තරු ගණනාවකට වෛරසය සඳහා ධනාත්මක බව පරීක්‍ෂා කර ඇති අතර, ඉන්දියාවේ මහාරාශ්ට්‍ර ප්‍රාන්තය ලොක්ඩවුන් තත්ත්වයකට පත්ව තිබේ.

අමීර් ඛාන්ද තමාට වෛරසය වැලඳී ඇති බව පසුගිය මාසයේ තහවුරු කළ අතර නළු රන්බීර් කපූර්ද ධනාත්මක බව පරීක්‍ෂා කර තිබුණි.