අයිස් හා හෂීස් සමග අත්අඩංගුවට ගත් සැකකරු

අයිස් කිලෝ 2 ක් හා හෑෂ් මත්ද්‍රව්‍ය  කිලෝ ග්‍රෑම් 4.5ක් සමග 23 හැවැරිදි සැකකරුවෙක් අත්අඩංගුවට ගත් බව පොලිස් මාධ්‍ය ප්‍රකාශක, නියොජ්‍ය පොලිස්පති අජිත් රෝහණ මහතා පැවැසීය.

අද උදෑසන මෙම අත්අඩංගුවට ගැනීම සිදුකර ඇත්තේ බ්ලූමැන්ඩල් ප්‍ර දේශයේදී පොලිස් විශේෂ කාර්ය බළකාය මගිනි.

සැකකරු සන්තකයේ තිබී රුපියල් ලක්ෂ 4ක පමණ මුදලක්ද සොයාගෙන ඇති අතර මත්ද්‍රව්‍ය තොගයේ වටිනාකම රුපියල් කෝටි 2.5ක් පමණ වෙයි

ශ්‍රී ලංකාවේ අපරාධ ගණනාවක් සිදුකර දැනට ඉන්දියාවට පළාගොස් ඇතැයි සැකකරන සංවිධානාත්මක අපරාධකරුවෙක් වන කිඹුලාඇලේ ගුණා හා ඔහුගේ සහෝදරයෙක් වන සුරේෂ් නැමැත්තා විසින් මෙම මත්ද්‍රව්‍ය ජාවාරම මෙහෙයවා ඇති බවට තොරතුරු වාර්තා වන බව පොලිස් මාධ්‍ය ප්‍රකාශකවරයා පැවැසීය.