අප්‍රේල් මාසයේදී පමණක් ඇමෙරිකාවේ මිලියන 20.5කට රැකියා අහිමිවෙයි

වොෂිංටන්, මැයි 8 (ෂින්හුවා) - එක්සත් ජනපද සේවායෝජකයන්  අප්‍රේල් මාසයේදී සිය සේවකයන්ගේ රැකියා මිලියන 20.5 ක් කපා හැර ඇති අතර ඇමෙරිකාවේ විරැකියා අනුපාතය සියයට 14.7 ක් දක්වා ඉහළ ගොස් තිබේ.

මේ අනුව COVID-19 වසංගතය අඛණ්ඩව ඇමෙරිකාව් ආර්ථිකය ගැටලුවට පත්කරමින් සිටින බව එක්සත් ජනපද කම්කරු සංඛ්‍යාලේඛන කාර්යාංශය සිකුරාදා වාර්තා කළේය.‍ෙ

අප්‍රේල් මාසයේ විරැකියා අනුපාතය මාර්තු මාසයට වඩා සියයට 10.3 කින් ඉහළ ගොස් ඇති අතර එය 1948 ජනවාරියේ සිට මේ දක්වා ඉතිහාසයේ ඉහළම අනුපාතය සහ මාසයට වැඩි විශාලතම වැඩිවීම බව කාර්යාංශය සඳහන් කරයි.

කොවිඩ් 19 ආරම්භ වූ දා සිට ඇමෙරිකාවේ මේ දක්වා මිලියන 33 කට වැඩි පිරිසක් රැකියා විරහිත ප්‍රතිලාභ සඳහා ඉල්ලීම් කර තිබේ.