අනතුරට පත් වෑන් රථයේ දෙදෙනෙකුට කොරෝනා

පොල්ගහවෙල බන්දාව ප්‍රදේශයේ රියදුරුට නින්ද යාම හේතුවෙන් අනතුරට පත් වෑන් රථයේ දෙදෙනෙකුට කොවිඩ් ආසාදන වී ඇති බවට වාර්තා වේ.

කොළඹ සිට කුරුණෑගල දෙසට ධාවනය වූ වෑන් රථයක් (24) දා    උදෑසන 6.30 පමණ පොල්ගහවෙල   බන්දාව ඉන්ධන පිරවුම් හල අසල දී  රියදුරුට නින්ද යාම මාර්ගයෙන් ඉවතට පැන පෙරළී යාමෙන් අනතුරට පත් වෑන් රථයේ ගමන්ගත් පුද්ගලයින් 4 දෙනෙකු  තුවාල ලබා පොල්ගහවෙල  රෝහලට ගෙන යෑමෙන් පසු   කුරුණෑගල ශික්ෂණ රෝහලට වැඩිදුර ප්‍රතිකාර සඳහා යොමුකර   ඇති අතර එහිදී එම තුවාල කරුවන් හට කළ ඇන්ටිජන් පරීක්ෂාවකදී  දෙදෙනෙකුට කොවිඩ්  ආසාදනය වී ඇති බවට  තහවුරු වී ඇත.

එම අනතුර අවස්ථාවේදී ඔවුන්  රෝහල් ගත කිරීමට කටයුතු කල අය  පොල්ගහවෙල මහජන සෞඛ්‍ය පරීක්ෂක  මහේෂ් අමාකර මහතා දැනුවත් කරන ලෙස එම නිලධාරීන් ප්‍රදේශවාසින්ගෙන් ඉල්ලා සිටී .

අලව්ව අධිකාරි මුදියන්සේ