අන්තර්ජාලයේ හරහා කාන්තාවන් විකුණන ස්ථානයක් වටලයි

ආයුර්වේද  මධ්‍යස්ථානයක් මුවාවෙන් රාජගිරිය ප්‍රදේශයේ පවත්වාගෙන ගිය ගණිකා මධ්‍යස්ථානයක් වටලා එහි රැඳී සිටි  කාන්තාවන් හතර දෙනෙක් ඊයේ 4 අත්අඩංගුවට ගත් බව  නුගේගොඩ විශේෂ අපරාධ විමර්ශන අංශය කියයි

ආයුර්වේද සම්බාහන මධ්‍යස්ථානයක් ලෙස අන්තර්ජාලය සහ සති අග පුවත්පත්වල දැන්වීම් පළ කර ප්‍රසිද්ධ කර ඒ කරා පැමිණෙන පුද්ගලයන් ඉතා සූක්ෂම ලෙස කාන්තා ඇසුර  සඳහා යොදා ගන්නා  මෙම ස්ථානය පිළිබඳව බස්නාහිර පළාත් බුද්ධි අංශයේ පොලිස් කොස්තාපල් 73005 වික්‍රමනායක නිලධාරී යට ලද රහසිගත තොරතුරක් අනුව  වැටලීම සිදු කළ බව පොලිසිය කියයි

පළ කර තිබූ දැන්වීමේ සඳහන් දුරකථන අංකයට කිසියම් පුද්ගලයකු ඇමතුමක් ලබා ගැනීමෙන් අනතුරුව ඔවුන්ව එම ආයතනය ආසන්නයටම ගෙන් වා ආරක්ෂිත කැමරා උපයෝගී කරගෙන එම පුද්ගලයා සම්බන්ධයෙන්  විමර්ශනයක් සිදුකර ආයතනය තුළට ගෙන්වාගැනීම මෙම ස්ථානය ඇති විශේෂත්වය බව පොලිසිය කියයි

අනතුරුව සම්භාහන කටයුතු සඳහා පැමිණෙන පුද්ගලයව ඉතා සූක්ෂම ලෙස සමීප ඇසුරක් දක්වා යොමුකරගෙන මුදල් ලබා ගැනීම මෙම ස්ථානයේ සිටින   කාන්තාවන්ට   එහි හිමිකරු   පවරා ඇතැයි පොලිසිය කියයි

ඇතුල්වීමේ ගාස්තු ලෙස අයකරගන්නා රුපියල් 4000 මෙම ගණිකා ව්‍යාපාරය පවත්වාගෙන යන පුද්ගලයාට බැර ලෙසත් පැමිණෙන  ගනුදෙනුකරුවා ගෙන් ලැබෙන මුදල් සේවය ලබා දෙන  කාන්තාවන්ට බැර වන ආකාරයෙන්   මෙම  ගණිකා මධ්‍යස්ථානය පවත්වාගෙන ගොස් ඇති බව එම කාන්තාවන්  ගෙන සිදු කළ  සිදු කළ ප්‍රශ්න කිරීමේදී අනාවරණ වූ බව පොලිස් නිලධාරියෙක් පැවැසීය

බිමල් ශ්‍යාමන් ජයසිංහ