අධික වැස්ස හේතුවෙන් බැද්දගාන උද්‍යානය වසයි

අධික වර්ෂා සහිත තත්වයන් හිදී අනපේක්ෂිත ලෙස වතුර මට්ටම ඉහළ යෑමේ අවධානමක් පවතින හෙයින්  බැද්දගාන තෙත්බිම් උද්‍යානය තාවකාලිකව වසා දැමිමට නාගරික සංවර්ධන අධිකාරිය තීරණය කර තිබේ.

කාලගුණ විද්‍යා දෙපාර්තමේන්තුව පෙන්වා දී ඇති පරිදි ඊයේ දින මෙන්ම ඉදිරි දිනවලදීත් වර්ෂා තත්වය ඉහළ යෑමක් බලාපොරොත්තු විය හැකි උද්‍යානය මෙසේ වසා දමා ඇත.

කාලගුණය යහපත් තත්වයට පත්වීමත් සමග නැවතත් සුපුරුදු පරිදි මෙම උද්‍යානය මහජනතාවට විවෘත කෙරෙන බවද එම අධිකාරිය පෙන්වා දෙයි.