අදත් දිස්ත්‍රික්ක රැසක එන්නත්කරණය
කොවිඩ් -19 වසංගතය මර්දනය කිරීම සඳහා දිවයින පුරා එන්නත්කරණ වැඩසටහන ක්‍රියාත්මක කිරීමට සැලසුම් කර ඇති බව සෞඛ්‍ය අමාත්‍යාංශය පවසයි.
ඒ අනුව ඉදිරියේදී තවත් දිස්ත්‍රික්ක 13ක එන්නත්කරණ වැඩසටහන ආරම්භ කිරීමට නියමිත බව සෞඛ්‍ය අමාත්‍ය පවිත්‍රා වන්නිආරච්චි මහත්මිය සඳහන් කළාය.
දිස්ත්‍රික් මට්ටමින් වර්ගීකරණය කර මෙම එන්නත්කරණ වැඩසටහන සඳහා සයිනොෆාම් එන්නත් මාත්‍රා ලබාදීමට මේ වනවිට සැලසුම් කර තිබේ.
ඒ අනුව මාතලේ, මඩකලපුව, ත්‍රිකුණාමලය, අම්පාර, පොළොන්නරුව, කුරුණෑගල, පුත්තලම සහ මොනරාගල යන දිස්ත්‍රික්ක සඳහා එන්නත් මාත්‍රා 25,000 බැගින් ලබාදීමට නියමිතය.
නුවරඑළිය, හම්බන්තොට, අනුරාධපුර, බදුල්ල සහ කෑගල්ල යන දිස්ත්‍රික්කවලට එන්නත් මාත්‍රා 50,000 බැගින් ලබාදීමට සැලසුම් කර ඇති බවද සෞඛ්‍ය අමාත්‍යාංශය සඳහන් කළේය.
රාජ්‍ය අමාත්‍ය මහාචාර්ය චන්න ජයසුමන මහතා සඳහන් කරන්නේ එන්නත්කරණ වැඩපිළිවෙල දේශපාලනීකරණයෙන් තොරව සිදුකරන බවය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
