අඟලවත්තේ PCR පරීක්ෂණ 21න් 4ක් ධනාත්මකයි

අඟලවත්ත සෞඛ්‍ය වෛද්‍ය නිලධාරි කාර්යාලය තුළදී පෙරේදා පී.සී.ආර්. පරීක්ෂණයට භාජනය කළ නාවික සෙබළුන් 21 දෙනාගෙන් සිව් දෙනෙකුට කොරෝනා රෝගය වැළදී ඇති බව වෛද්‍ය  පරීක්ෂණවලින් තහවුරු වී ඇතැයි කලුතර දිස්ත්‍රික් කොවිඩ් සම්බන්ධීකාරක කලුතර දිස්ත්‍රික් මහා රෝහලේ වෛද්‍ය ක්‍රිශාන් හිරිමුතුගොඩ මහතා පැවසීය.

අගලවත්ත, මතුගම, බේරුවල ,කලුතර  ,බුලත්සිංහල ,වලල්ලාවිට ප්‍රදේශ වල පදිංචි වැලිසර නාවික කදවුරේ සිට නිවාඩුවට තම නිවෙස් වලට පැමිණි සෙබළුන් මෙලෙස පරීක්ෂණයට භාජනය කෙරිණි.

එම පරීක්ෂණ වලදී බුලත්සිංහල ,අගලවත්ත ,හල්කදවිල ,පයාගල සෞඛ්‍ය වෛද්‍ය නිලධාරී බල ප්‍රදේශයේ පදිංචි නාවික සෙබළන් සිව් දෙනෙකු ආසාදිතයන් බවට තහවුරු වේ. එම සෙබළුන්ගේ පළමු ආශ්‍රිතයන් සොයා ඔවුන් ද පී.සී.ආර්. පරීක්ෂණයට භාජනය කරන බව වෛද්‍යවරයා වැඩිදුරටත් පැවසීය .

බිමල් ශ්‍යාමන්