අකිල වැස්සේ තෙමීගෙන බයික් එකෙන් පාර්ලිමේන්තු ඇවිත්

පාර්ලිමේන්තු පාරේ පැවති වාහන තදබදය හේතුවෙත් යතුරැපැදියක නැගී වැස්සේ තෙමි තෙමි පාර්ලිමේන්තුවට පැමිණිමට සිදු වූ බව අධ්‍යාපන අමාත්‍ය අකිල විරාජ් කාරියවසම් මහතා ඊයේ (09දා) පාර්ලිමේන්තුවට පැවසීය.

පාර්ලිමේන්තුව ආරම්භයේදී ප්‍රශ්න 03 ට පිළිතුරැ දීමට තිබූ බැවින් කල්වේලා ඇතිව පාර්ලිමේන්තුවට පැමිණීමට අවශ්‍ය වුවද රාජගිරය අසළ පැයකට වැඩි කාලයක් රැදීසිටීමට සිදුවූ බවද අමාත්‍යවරයා කීවේය.

ඒහේතුවෙන් වාහනයෙන් බැස යතුරැපැදියක නැගී පාර්ලිමේන්තුවට පැමිණිය බවද අමාත්‍යවරයා කීවේය.

“මට අද පාර්ලිමේන්තුවේ ප්‍රශ්න 03 ට උත්තර දෙන්න තිබුණා.  මර්ග තදබදය නිසා මට වෙලාවට එන්න බැරිවුණා . පැයක් රාජගිරියේ. ඊට පස්සේ මෝටර්සයිකලයක් නවත්වාගෙන ඒකේ නැගලා අවේ වැස්සේ තෙමි තෙමි. පාර්ලිමේන්තු දවස්වල වාහන තදබදය ගැන අවධානය යොමුකරන්න කියලා ඉල්ලා සිටිනවා”