ලෝකයේ භාවිත වන රූකඩ වර්ග 7ක්
ලෝකයේ සංවර්ධිත මෙන්ම සංවර්ධනය වෙමින් පවතින රටවල මෙම රූකඩ කලාව ව්‍යාප්ත වී තිබේ. ඒ අතරින් රටවල් කිහිපයක් ලෙස ඉන්දියාව, චීනය, ඇමෙරිකාව, ප්‍රංශය, බුරුමය, කාම්බෝජය, තුර්කිය, එංගලන්තය, ජර්මනිය, කොරියාව ආදී රටවල් දැක්විය හැකිය. ඇතැම් රූකඩ වර්ග රට රටවලට ආවේණික භාවයකින් යුතුව බිහි වූ ඒවාය. ඒ අතුරින් රූකඩ වර්ග 7ක් මෙසේය.
චීන සෙවණැලි රූකඩ
චීනයට ආවේණික සෙවණැලි රූකඩ බිහිවී ඇත්තේ මීට වසර දහස් ගනණකට පෙරය. මුල් කාලයේදී පත්තර කොළ අාදියෙන් සකසා රූකඩ සකසා එහි සෙවණැලි බිත්තියට වැටෙන්නට සැලස්වූ බව ඔවුන්ගේ රූකඩ ඉතිහාසය සඳහන් කරයි. පසුව ඊට තාක්ෂණය එක්කොට වර්ණද භාවිත කර තිබේ.
බුන්රකු රූකඩ
ලීවලින් කැටයම් කර සකසාගත් රූකඩ මෙහිදී භාවිතයට ගැනේ. මෙම බුන්රකු රූකඩයක් රඟ දැක්වීම සඳහා ශිල්පීන් තිදෙනෙකු පමණ අවශ්‍ය වේ. බුන්රකු ජපානයේ භාවිත කරයි.
ඇඟිලි රූකඩ
අතෙහි ඇඟිල්ලකට සවිකරගත හැකි ලෙස මෙම රූකඩ නිර්මාණ කරයි. ඒ අනුව ඇඟිලි රූකඩවල චරිත උපරිම දහයකි.
මිනිස් අතෙන් ක්‍රියා කරන රූකඩ
මෙහිදී සම්පූර්ණ අත රූකඩයට දමා රඟ දක්වයි. එය පුද්ගලයන් දෙදෙනෙකුගේ සහායෙන් රඟදක්වයි. මෙහිදී එක් අතකින් කට සහ ඇස් ක්‍රියාත්මක කරවන අතර, රූකඩයේ අත් වෙනත් අයෙකුගේ අතක් ආධාරයෙන් ක්‍රියාත්මක කරයි.
නූල් රූකඩ
රූකඩය හසුරුවන්නා ප්‍රේක්‍ෂකයාට නොපෙනෙන පරිදි වේදිකාව පසුපස සිට රූකඩය ක්‍රියාත්මක කරයි. රූකඩයේ අත්, හිස, පාද ආදියට නූල් සම්බන්ධ කොට තිරස් දණ්ඩක ගැට ගසා රූකඩය ක්‍රියාත්මක කරවයි.
අත් රූකඩ
මෙය රූකඩය තුළට අතක් දමා රඟ දක්වන රූකඩ විශේෂයකි. එහිදී රූකඩයේ විවිධ අවයවයන් අතැඟිලි මගින්ම ක්‍රියාත්මක වේ.
රිටි රූකඩ
අත්පාවලට සහ හිසට සවිකළ දඬු මගින් රිටි රූකඩය ක්‍රියාත්මක කරයි. එසේ සවිකළ දඬු චලනය කිරීමෙන් මෙය ක්‍රියාත්මක වෙයි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
