දක්ෂිණ අධිවේගි මාර්ගයේ තංගල්ල දෙසට වූ මංතීරුවේ 138 කණුව අසලදී විදේශිය සංචාරකයන් රැගත් බස් රථයක් එම දෙසටම ධාවනය වූ සිමෙන්ති රැගත් ලොරියක ගැටීම හේතුවෙන් අද (17) අලුයම අනතුරකට ලක් වී ඇති බව පොලීසිය පවසයි. 

 සිදු වූ එම අනතුරින් බස් රථයේ රියදුරු මියගොස් ඇති බව තංගල්ල මූලස්ථාන පොලීසිය කියයි. එමෙන්ම බස් රථයේ ගමන්ගත් විදේශ ජාතිකයින් 19 දෙනෙකු තුවාල ලබා තංගල්ල මූලික රෝහලට ඇතුළත් කර ඇත. 

 මෙම අනතුර සිදුවන අවස්ථාවේ බස් රථයේ විදේශිය ජාතිකයින් 30 දෙනෙකු පමණ ගමන් කර තිබුණු බව ද තංගල්ල මූලස්ථාන පොලීසිය පවසයි.

බෙලිඅත්ත කවීෂා