ලංගම බසයක් පෙරළී 24කට තුවාල

යාපනය මාණිප්පායි පොලිස් වසමේ කල්ලුණ්ඩායි ප්‍රදේශයේදී අද (12) උදෑසන ලංගම බස්රථයක් පෙරළී යාම හේතුවෙන් 24 දෙනෙකු තුවාල ලබා රෝහල් ගතකළ බව පොලීසිය පවසයි.

යාපනය කරෙයිනගර් ප්‍රදේශයේ සිට අද උදෑසන 7.30 පමණ යාපනයට වඩුක්කොඩ්ඩෙය් මාර්ගයේදී ධාවනය වෙමින් තිබූ ලංගම බස් රථයක් මෙලෙස මාර්ගයෙන් ඉවතට පැන පෙරළී ගොස් ඇති අතර එහිදී බස්රථයේ ගමන් කරමින් සිටි මගීන් 24 දෙනෙකු තුවාල ලබා රෝහල්ගත කොට ඇත.

බස් රථය පෙරළී යාමට හේතුව මෙතෙක් අණාවරනය වී නොමැති අතර පැවති වැසි සහිත කාලගුණය හේතුවෙන් බස් රථයේ වේගය පාලනය කරගැනීමට නොහැකිව මෙම අනතුර සිදුවන්නට ඇති බව පොලීසිය සැකකරයි.

තුවාල ලැබූවන් කිහිපදෙනෙකුගේ තත්ත්වය  බරපතල බව යාපනය රෝහල් වෛද්‍ය වරුන් වැඩිදුරටත් පැවසීය.