Invitational T20 League ශූරතාවය ග්‍රේස් කණ්ඩායමට

Invitational T20 League ශූරතාවය ජයගන්නට දසුන් ශානක නායකත්වය දැරූ ග්‍රේස් කණ්ඩායම අද  සමත් විය. ඒ අවසන් තරගයේ දී දිනේෂ් චන්දිමාල් නායකත්වය දැරූ රෙඩ් කණ්ඩායම ලකණු 43කින් පරාජය කරමින්.

තරගයේ පළමුව පන්දුවට පහරදුන් ග්‍රේස් කණ්ඩායම නියමිත පන්දුවාර 20 තුල කඩුලු 04ක් දැවී ලකුණු 204ක් රැස් කිරීමට සමත් විය.

ආරම්භ පිතිකරු මිනෝද් භානුක පන්දු 51කදී ලකුණු 74ක් රැස් කළ අතර නායක දසුන් ශානක ප්‍රවේගකාරී ඉනිමක් දියත් කරමින් පන්දු 17ක් තුල නොදැවී ලකුණු 48ක් රැස් කිරීමට සමත් විය.

පිළිතුරු ඉනිම ක්‍රීඩා කළ රෙඩ් කණ්ඩායමට පන්දුවාර 19යි පන්දු 03ක් තුල සියලන් දැවී ලබා ගත හැකි වූයේ ලකුණු 159ක් පමණයි.

පන්දු යැවීමේ දී මතීෂ පතිරණ සහ නුවන් ප්‍රදීප් කඩුලු 02 බැගින් බිඳ දැමීමට සමත් විය.