Invitational T20 League අවසන් මහා තරගය අද

Invitational T20 League අවසන් මහා තරගය අද (24) පැවැත්වීමට නියමිතව ඇ​ත. ඒ දසුන් ශානක නායකත්වය දරන ග්‍රේස් කණ්ඩායම හා දිනේෂ් චන්දිමාල් නායකත්වය දරන රෙඩ්ස් කණ්ඩායම අතරයි. අවසන් මහා තරගය මහනුවර පල්ලකැලේ ජාත්‍යන්තර ක්‍රිකට් ක්‍රීඩාංගණයේදී රාත්‍රී 7.30 ට ආරම්භ වීමට නියමිත බවයි ශ්‍රී ලංකා ක්‍රිකට් ආයතනය සදහන් කර සිටියි.

තරගාවලියේ ජයග්‍රාහකයින්ට රුපියල් මිලියන දෙකක මුදලක් පිරි නැමීමට නියමිතව ඇත. අනුශූරයින්ට ලක්ෂ 15ක මුදලක් වෙන් කර තිබේ.

තරගාවලියේ වීරයා සම්මානයෙන් පිදුම් ලබන ක්‍රීඩකයාට රුපියල් ලක්ෂ දෙකක මුදලක් හිමිවීමට නියමිත අතර, අවසන් තරගයේ වීරයාට හිමි වන ත්‍යාග මුදල රුපියල් 50,000ක් වෙයි.