Colombo Stars නායකත්වය ධනංජය ද සිල්වාට

බටහිර ඉන්දීය කොදෙව් කණ්ඩායම සමග නිමා වූ දෙවැනි ටෙස්ට් ක්‍රිකට් තරගයේ දී  මුහුණ දුන් ආබාධය මෙතෙක් සම්පූර්ණයෙන් සුව නොවීම හේතුවෙන්.LPL ක්‍රිකට් තරගාවලියේ පළමු තරග කිහිපය ක්‍රීඩා කිරීමේ අවස්ථාව Colombo Stars කණ්ඩායමේ නායක ඇන්ජෙලෝ මැතිව්ස්ට අහිමි වී තිබේ.

ඒ අනුව එල්.පී.එල් තරගාවලියේ පළමු තරග කිහිපයේ දී කණ්ඩායම මෙහෙයවීමේ වගකීම ධනංජය ද සිල්වාට හිමිව ඇත.

මෙවර තරගාවලිය යටතේ කලම්බු ස්ටාර්ස් කණ්ඩායම ක්‍රීඩා කරන පළමු තරගය අද ගෝල් ග්ලැඩියේටර්ස් කණ්ඩායමට එරෙහිව පැවැත්වීමට නියමිතයි.

එම තරගය අද රාත්‍රී 7.30ට කොළඹ ආර්.ප්‍රේමදාස ක්‍රීඩාංගනයේ දී ආරම්භ වීමට නියමිතව තිබේ.