20-20 ලෝක කුසලානය​ට ඉන්දීය සංචිතය නම් කරයි - දෝනිට සුවිශේෂී වගකීමක්

2021 පන්දුවාර 20යි 20 ලෝක කුසලාන ක්‍රිකට් තරගාවලිය සදහා වන ඉන්දීය සංචිතය අද(8) ප්‍රකාශයට පත් කෙරිණි. විරාට් කෝලිගේ නායකත්වයෙන් යුත් සංචිතයට ක්‍රීඩකයින් 15 දෙනෙකු ඇතුළත් වෙයි. නිමා වූ ශ්‍රී ලංකා සංචාරයේ දී ඉන්දීය කණ්ඩායම මෙහෙය වූ ශිකර් ධවාන් සහ යුස්වේන්ද්‍ර චහෙල්  මෙම සංචිතයට ඇතුලත් වී නොමැත.

සූර්යකුමාර් යාදෙව් හා ඉෂාන් කිෂන් සංචිතයේ ස්ථාන හිමි කර ගෙන ඇති අතර, රාහුල් චහාර් හා වරුන් චක්‍රවර්තී සහ රවිචන්ද්‍රන් අශ්වින් ද සංචිතයට නම් කර තිබේ.

මේ අතර, මෙවර 20යි 20 ලෝක කුසලාන තරගාවලිය සදහා හිටපු නායක මහේන්ද්‍ර සිං දෝනි ඉන්දීය කණ්ඩායමේ උපදේශකවරයෙකු ලෙස පත් කර ඇති බව ද ඉන්දීය ක්‍රිකට් ආයතනය සදහන් කර සිටියේය.

ඉන්දීය සංචිතය –

Virat Kohli (Capt), Rohit Sharma (vc), KL Rahul, Suryakumar Yadav, Rishabh Pant (wk), Ishan Kishan (wk), Hardik Pandya, Ravindra Jadeja, Rahul Chahar, Ravichandran Ashwin, Axar Patel, Varun Chakravarthy, Jasprit Bumrah, Bhuvneshwar Kumar, Mohd Shami.

Standby players – Shreyas Iyer, Shardul Thakur, Deepak Chahar