සති දෙකකට පසු සී.ආර්. ට ජයග්‍රහණයක්

ඩයලොග් අන්තර්සමාජ ලීග් රග්බි තරගාවලියේ සති තුනකට පසු ජයග්‍රහණයක් හිමි කර ගැනීමට සී.ආර්.ඇන්ඩ් එෆ්.සී. කණ්ඩායම සමත් විය. ඒ ගුවන් හමුදා කණඩායම පරදා ලකුණු 36-27 ක ජයක් හිමි කර ගනිමිනි. කොළඹ ලොන්ඩන් පෙදෙස සී. ආර්.  ක්‍රීඩාංගණයේදී තරගය අද (14දා) පැවැත්වුනේ තරගාවලියේ හයවැනි සතියේ තරගයක් ලෙසිනි.

තරගයේ ආරම්භයේ පටන් තියුණු ස්වාභාවක් ගත් අතර පළමු අර්ධය අවසන් වන විට සී.ආර්. ක්‍රීඩකයෝ ලකුණු 24-17 ක් ලෙසින් ඉදිරියට පැමිණියහ. ජයග්‍රාහී සී.ආර්. ක්‍රීඩකයින් ගෝල දිනුම් 4 ක් , උත්සාහක දිනුමක් හා දඩුවම් පහරක් මගින් ලකුණු රැස් කරද්දී ගුවන් හමුදා ක්‍රීඩකයින් ගෝල දිනුම් 3 ක් හා දඩුවම් පහර 2 ක් ආධාරයෙන් ලකුණු රැස් කළහ. ගුවන් හමුදාව මෙම තරගාවලියේ මේ දක්වා  තරගයක් ජයගෙන නොමැති අතර සී.ආර්. ක්‍රීඩකයෝ තරග 6 න් 4 ක් ජයගෙන ඇත. කෙසේ වුවත් පසුගිය සති දෙකේදී පැවති තරග ද්විත්වයෙන් ඔවුන්ට පරාජය විමට සිදුවිය.

ඡායාරූප- ඔ්ෂිත වරකපිටිය