සංගා CPL යයි

වැඩි හිමිකාරීත්වයක් Royals Sports Group (EM Sporting Holdings Ltd) වෙත නතු වීම හේතුවෙන් කැරිබියන් ප්‍රිමියර් ලීග් (CPL) ක්‍රිකට් තරගාවලියට ක්‍රීඩා කරන බාර්බඩෝස් ට්‍රයිඩෙන්ට්ස් කණ්ඩායමේ නම බාර්බඩෝස් රෝයල්ස් ලෙස සංශෝදනය කර තිබේ.

ඉන්දීය ප්‍රිමියර් ලීග් (IPL) තරගාවලියට ක්‍රීඩා කරන රාජස්ථාන් රෝයල්ස් කණ්ඩායමේ හිමිකරුවන් වන්නේ ද එම සමූහයයි.

රාජස්ථාන් රෝයල්ස් කණ්ඩායමේ ක්‍රිකට් අධ්‍යක්ෂවරයා වන කුමාර් සංගක්කාර බාර්බඩෝස් කණ්ඩායමේ ද වගකීම භාර ගැනීමට නියමිතව ඇත.

බාර්බඩෝස් කණ්ඩායම 2014 හා 2019 වසරවලදී CPL ශුරතාවය දිනා ගත් අතර, 2021 වසරේ දී ද කණ්ඩායම මෙහෙයවීමේ වගකීම ජේසන් හෝල්ඩර්ට පැවරෙනු ඇතියි.

මෙවර CPL තරගාවලිය අගෝස්තු 26 වනදා සිට සැප්තැම්බර් 15 වනදා දක්වා පැවැත්වීමට නියමිතව තිබේ.