ශ්‍රී ලංකා - එංගලන්ත තරග සංචාරයේ ප්‍රථම තරගය අද

ශ්‍රී ලංකා කණ්ඩායමේ එංගලන්ත තරග සංචාරය ආරම්භ කරමින් ප්‍රථම විස්සයි විස්ස ක්‍රිකට් තරගය අද (23) කාර්ඩිෆ්හී සොෆියා ගාර්ඩ්න්ස් ක්‍රීඩා පිටියේදී මෙරට වේලාවෙන් රාත්‍රී 11 ට ආරම්භ වෙයි.

2016 වසරට පසුව ශ්‍රී ලංකා කණ්ඩායම 20/20 සීමිත පන්දුවාර තරගාවලියක් ක්‍රීඩා කිරීම සදහා එංගලන්ත සංචාරයක නිරතවන ප්‍රථම අවස්ථාව මෙයයි.

මෙම සංචාරයට විස්සයි විස්ස තරග තුනක් සහ එක්දින තරග තුනක් ඇතුළත් වෙයි.

ප්‍රථම විස්සයි විස්ස තරග දෙක කාර්ඩිෆ්හීදී පැවැත්වෙන අතර තෙවන විස්සයි විස්ස තරගය සවුත්හැම්ටන්හී දී පැවැත්වීමට නියමිතයි.