ශ්‍රී ලංකා ක්‍රිකට් දෙවැනි නේවාසික පුහුණුව ජුනි 22 වැනිදා සිට

ශ්‍රී ලංකා ක්‍රිකට් ආයතනය විසින් මෙරට ජාතික ක්‍රිකට් කණ්ඩායම නියෝජනය කරනු ලබන ක්‍රීඩකයන් වෙනුවෙන් සංවිධානය කරනු ලබන දෙවැනි නේවාසික පුහුණු වැඩසටහන එළඹෙන 22 වැනිදා ආරම්භ කරන බව නිවේදනයක් නිකුත් කරමින් ශ්‍රී ලංකා ක්‍රිකට් ආයතනයේ මාධ්‍ය අංශය සඳහන් කරයි.

ඒ අනුව 24 දෙනෙකුගෙන් යුත් සංචිතයක් මේ සඳහා තෝරාගෙන ඇති බවත්, එම ක්‍රීඩකයන් දින 10ක් නේවාසිකව පුහුණුවීම් සිදු කිරීමට නියමිත බවත් ඊයේ (18දා) නිකුත් කළ එම නිවේදනයේ වැඩිදුරටත් දැක්වේ.

එමෙන්ම මෙම පුහුණු වැඩසටහනද පළමු පුහුණු වැඩසටහන මෙන් %කෝවිඩ්-19^ වෛරසය අාසාදනයවීම පාලනය කිරීම සඳහා මෙරට සෞඛ්‍ය නිලධාරීන් විසින් ලබාදී ඇති උපදෙස්වලට අනුව සිදුකරන බවද එහි

සඳහන් වේ.

දෙවැනි පුහුණුව සඳහා නම් කළ සංචිතය -

01. දිමුත් කරුණාරත්න 02. දිනේෂ් චන්දිමාල්

03. ළහිරු තිරිමාන්න 04. ඇන්ජලෝ මැතිව්ස්

05. තිසර පෙරේරා 06. ධනුෂ්ක ගුණතිලක 07. කුසල් ජනිත් පෙරේරා 08. දිල්රුවන් පෙරේරා 09. සුරංග ලක්මාල් 10. ධනංජය ද සිල්වා 11. නිරෝෂන් දික්වැල්ල 12. දසුන් ශානක 13. විශ්ව ප්‍රනාන්දු 14. කසුන් රාජිත

15. ළහිරු කුමාර 16. නුවන් ප්‍රදීප් 17. ඉසුරු උදාන 18. වනිඳු හසරංග 19. ලක්ෂාන් සඳකැන් 20. ලසිත් ඇඹුල්දෙණිය 21. ඕෂද ප්‍රනාන්දු 22. අවිශ්ක ප්‍රනාන්දු

23. කුසල් මෙන්ඩිස් 24. භානුක රාජපක්ෂ