ශ්‍රී ලංකා ක්‍රිකට් ක්‍රීඩකයින් 5 දෙනෙකුට බී.පී.එල්. වරම්

ශ්‍රී ලංකා ක්‍රීඩකයින් 5 දෙනෙකුට එළඹෙන බංග්ලාදේශ ප්‍රිමියර් ලීග් ක්‍රිකට් තරගාවලිය සඳහා ක්‍රීඩා කිරීමේ අවස්ථාව හිමිවී ඇත. තරගාවලියට ක්‍රීඩා කරන කණ්ඩායම් 7 හා එහි ක්‍රීඩකයින් බංග්ලාදේශ ක්‍රිකට් ආයතනය මගින් පසුගියදා එළි දැක්විණි.

මෙම තරගාවලියට කුල්නා ටයිගර්, ඩකා ප්ලැටූන්ස්, රජ්ෂාහි රෝයල්ස්, චැටර්ග්‍රම් චැලෙන්ජර්ස්, රංග්පූර් රන්ගර්ස්, කුමිලා වොරියර්ස් හා සිල්හෙට් තන්ඩර් යන කණ්ඩායම් 7 තරග වදිති. ඒ සඳහා ක්‍රීඩා කරන ශ්‍රී ලාංකික ක්‍රීඩකයින් අතර තිසර පෙරේරා ඩකා ප්ලැටූන්ස් කණ්ඩායමටත්, අවිශ්ක ප්‍රනාන්දු චැටග්‍රම් චැලෙන්ජර්ස් කණ්ඩායමටත්, කුසල් පෙරේරා හා දසුන් ශානක කුමිලා වොරියර්ස් කණ්ඩායමටත්, ජීවන් මෙන්ඩිස් සිල්හෙට් තන්ඩර් කණ්ඩායමටත් ක්‍රීඩා කරති. තරගාවලිය එළඹෙන දෙසැම්බර් 11 වැනිදා සිට ජනවාරි 20 වැනිදා දක්වා පැවැත්වේ.