ශ්‍රී ලංකාව whitewash වීමෙන් බේරෙයි

සත්කාරක ඔස්ට්‍රේලියා කණ්ඩයම කඩුලු 5කින් පරාජයට පත්කරමින් දෙරට අතර පවැති පස්වැනි විස්සයි20 තරගය ජය ගැනීමට ශ්‍රී ලංකා කණ්ඩායම සමත්විය.

මෙම තරගය ජයගැනීමත් සමගින් විස්සයි20 තරගාවලිය whitewash වීමට තිබූ අවධානමෙන් ශ්‍රී ලංකා කණ්ඩායම බේරුණි.  තරග පහකින් සමන්විත විස්සයි20 තරගාවලිය 4-1ක් ලෙස ඔස්ට්‍රේලියාව ජයගත්තේය.

තරගයේ මුලින්ම පන්දුවට පහරදුන් ඔස්ට්‍රේලියා කණ්ඩායම නියමිත පන්දුවාර 20 තුළදී ලකුණු 154/6ක් රැස්කළේය. ශ්‍රී ලංකාව පන්දුවාර 19.5කදී කඩුල් පහක් දැවී ලකුණු 155ක් රැස්කරමින් තරගය ජයගත්තේය.

ආරම්භක පිතිකරු කුසල් මෙන්ඩිස් පන්දු 58කදී ලකුණු 69ක් හා දසුන් ශානක පන්දු 31කදී ලකුණු 35ක් රැස්කරමින් ශ්‍රී ලංකා කණ්ඩායම ජයග්‍රහණය කරා රැගෙන ගියහ.