විස්සයි විස්සේ අංක එක සූර් යකුමාර් යදාව්ට

ඉන්දීය ප්‍රහාරාත්මක මැදපෙළ පිතිකරු සූර්යකුමාර් යදාව්, නවතම විස්සයි විස්ස පිතිකරුවන් ශ්‍රේණිගත කිරීමේ අංක එකේ ස්ථානයට පත්වී ඇත. ඒ එහි පෙරමුනේ රැඳී සිටි පාකිස්ථානයේ මොහොමඩ් රිස්වාන් අබිබවමිනි.

මෙවර ලෝක කුසලානයේදී සුපුරුදු දක්ෂතා අතරට පැමිණී සූර්යකුමාර් තරගාවලියේ මේ දක්වා ක්‍රීඩා කළ ඉනිම් 4 න් දෙකකදීම අර්ධ ශතක දෙකක් රැස් කරමින් ලකුනු අතරට පැමිණීමට සමත්විය.

මේ අතර මෙවර ලෝක කුසලානයේදී ශතක ලැබූ දකුණු අප්‍රිකාවේ රීලී රොසෝව් හා නවසීලන්තයේ ග්ලේන් පිලිප්ස් විස්සයි විස්ස ශ්‍රේණිගත කිරීම්හි පළමු දසදෙනා අතර පැමිණීමට සමත්වී ඇත. ඒ පිලීවෙලින් 8 වැනි හා 7 වැනි ස්ථාන හිමිකර ගනිමිනි. මෙම ශ්‍රේණිගත කිරීම්හි දෙවැනි ස්ථානය පාකිස්ථානයේ මොහොමඩ් රිස්වාන්ටද තෙවැනි ස්ථානය ඩෙවන් කොන්වේටද හිමිවී ඇත.