ලෝක පාසල් චෙස් තරගාවලියේ අවු. 9න් පහළ රන් පදක්කම රිත්මිකට

ග්‍රීසියේ පැවති ලෝක පාසල් චෙස් තරගාවලියේ වයස 9න් පහළ බාලක රන් පදක්කම කොළඹ ආනන්ද විද්‍යාලයේ රිත්මිත තෙහස් කිරින්ගොඩ දිනා ගත්තේය.

තරගාවලියට ලෝකයේ රටවල් 23 ක පාසල් චෙස් ක්‍රීඩකයින් 61ක් සහභාගීවූහ. රිත්මිත තෙහස් තමන් මුහුණදුන් තරග වට 9 යෙන්  ලකුණු 7.5 ක් ලබා ගෙන වයස 9න් පහළ බාලක අංශයේ ශූරතාව දිනා ගත්තේය.

තරගාවලියේ දෙවැනි හා තෙවැනි ස්ථාන දෙකම කසකස්ථානයේ පාසල් ක්‍රීඩකයින් දිනාගත් අතර ඔවුන් දෙදෙනා තරග වට 9 යෙන් ලකුණු ලබාගත්තේ ශ්‍රි ලංකාවේ රිත්මිත තෙහස්ට වඩා ලකුණු භාගයක පරතරයක් තබා ගනිමිනි.  මේ ක්‍රිඩකයින් දෙදෙනා ලබාගත්  ලකුණු 7 කි.

තරගාවලිය ආරම්භයේ සිටම ඉදීයෙන් සිටි රිත්මිත තෙහස් තමාට වඩා ජාත්‍යන්තර ශ්‍රේණිගත ලකුණු වැඩි ක්‍රීඩකයින් අභිබවා මේ ජය ලැබීම විශේෂයෙන්ම කැපී පෙනුණි.