ලයන්, අෂ්වින් අබිබවමින් වාර්තා අතර ඉදිරියට

අන්තර්ජාතික ටෙස්ට් පිටියේ වැඩිම කඩුළුලාබීන් අතර තවත් ඉදිරියට පැමිණිමට ඔස්ට්‍රේලියාවේ නේදන් ලයන් සමත්විය. ඒ් බ.ඉ.කොදෙව් සමගින් පැවති තරගයේදී කඩුළු 6 ක් දවා ගැනීමත් සමගිනි.

මේ සමගින් ඔහු වැඩිම ටෙස්ට් කඩුළු ලාභීන් අතර 8 වැනි ස්ථානය දක්වා ඉහළ නැගීමට සමත්විය. ඒ් ඉන්දියාවේ රවිචන්ද්‍ර අෂ්වින් පසුකරමිනි. ලයන් ‌මේ වන විට ටෙස්ට් ඉනිම් 209 කට ක්‍රීඩා කරමින් දවාගෙන ඇති කඩුළු සංඛ්‍යාව 446 කි. මෙම සටහනේ මුල් දසදෙනා අතර රැඳී සිටින තෙවැනි ඔස්ට්‍රේලියානු පන්දු යවන්නාද ලයන් ‌වේ.  මෙහි පෙරමුනේ කඩුළු 800 ක් දවා ගත් ශ්‍රී ලංකාවේ මුත්තයියා මුරලිදරන් රැඳී සිටියි.

ලයන් මේ වන විට කඩුළු 5 බැගින් දවාගත් අවස්තා 21 ක් හා ඉනිමක කඩුළු 10 බැගින් දවා ගත් අවස්ථා 3 ක් වාර්තා කර ඇත.