රිච්මන්ඩ් චැම්පියන්ස් ලීග් හෙට ඇරඹෙයි

රිච්මන්ඩ් විද්‍යාලයීය ආදි ශිෂ්‍ය සංගමය විසින් සංවිධානය කරනු රිච්මන්ඩ් චැම්පියන්ස් ලීග් විස්සයි20 තරගාවලිය හෙට (05දා) සිට එළඹෙන 07 වැනිදා දක්වා ගාල්ල ජාත්‍යන්තර ක්‍රීඩංගණයේදී පැවැත්වේ.

මෙම තරගාවලියට සැමුවෙල්, ට්‍රිග්ස් සහ හාට්ලීස් යන කණ්ඩායම් තුන යටතේ වනිඳු හසරංග, කමිඳු මෙන්ඩිස්, චරිත් අසලංක වැනි ජාතික මට්ටමේ ක්‍රීඩකයන් මෙන්ම ධනංජය ලක්ෂාන්, සිතාර ගිම්හාන්, තිලංග උදේශන, හසිත මදුෂාන්, චමෝද් පියුමාල්, චාමිකර හේවගේ, අවිඳු තීක්ෂණ වැනි පළමු පෙළ තරග ක්‍රීඩා කරන ක්‍රීඩකයෝ රැසක් ක්‍රීඩා කරති.

එමෙන්ම පසුගිය වසරේ ශ්‍රී ලංකා වයස අවුරුදු 19න් පහළ ජාතික කණ්ඩායම නියෝජනය කළ තවීෂ අභිෂේක්, දිලුම් සුධීර, අම්ෂි ද සිල්වා ,සඳුන් මෙන්ඩිස් යන ක්‍රීඩකයන් සහ රිච්මන්ඩ් විද්‍යාලයීය පළමු පෙළ කණ්ඩායමට ක්‍රීඩා කරන ක්‍රීඩකයන්ද මෙම තරගාවලියට ක්‍රීඩා කිරීමට නියමිතය.