රග්බි ලෝක කුසලානය හබානා සමගින් මහනුවරට

එළඹෙන සැප්තැම්බර් මස ප්‍රංශයේදී පැවැත්වීමට නියමිත ලෝක කුසලාන රග්බිතරගාවලියේ ශූරයන්ට පිරිනැමීමට නියමිත කුසලානය ඊයේ (22දා) මහනුවර නිත්තවෙල ක්‍රීඩාංගණයේදී මහජන ප්‍රදර්ශනය සඳහා තැබිණි. මෙම අවස්ථාවට ලෝක ශූර දකුණු අප්‍රිකානු රග්බි කණ්ඩායමේ සාමාජික බ්‍රයන් හබානා සහ ‍මෙවර අන්තර් ක්‍රීඩා සමාජ ලීග් රග්බි ශූර මහනුවර ක්‍රීඩා සමාජ කණ්ඩායමේ ක්‍රීඩකයෝද සහභාගි වූහ.

මහජන ප්‍රදර්ශනය සඳහාදින 06ක කාලයක් සඳහා පසුගියදා (18දා) ශ්‍රී ලංකාවට රැගෙන ආ මෙම කුසලානය කොළඹ තුරග තරග පිටිය, කොළඹ සී.ආර්. ඇන්ඩ් එෆ්.සී. ක්‍රීඩාංගණය, මහනුවර නිත්තවෙල ක්‍රීඩාංගණය ඇතුළු ස්ථාන කිහිපයකදී මහජන ප්‍රදර්ශණය සඳහා තබනු ලැබිණි. මෙය අද (23දා) දිනයේදී නැවත ප්‍රංශය වෙත රැගෙන යාමට නියමිතය.

ෂේන් සෙනෙවිරත්න