මුරලිගේ කථාව ’800’ ලෙසින් එයි

ශ්‍රී ලංකා හිටපු පන්දු යවන ක්‍රීඩක මුත්තයියා මුරලිදරන් චරිතාපදානය ඇතුළත් චිත්‍රපටයට අදාළ පළමු පෝස්ටරය මේ වන විට එළි දක්වා තිබේ.

‘800’ ලෙස නම්කර ඇති මෙම චිත්‍රපටය කොලිවුඩ් චිත්‍රපටයක් ලෙසින් එළිදැක්විමට නියමිත අතර එය භාෂා ත්‍රිත්වයකින් නිකුත් කිරීමට සැලසුම් කර තිබේ.

ලෝකයේ බිහිවූ විශිෂ්ඨතම දග පන්දු යවන්නෙක් වෙන මුරලිදරන්ගේ ක්‍රිකට් ක්‍රීඩා දිවිය අළලා මෙම චිත්‍රපටය එළිදැක්වෙන අතර ඔහු ලබාගත් ටෙස්ට් කඩුලු 800 හේතුවෙන් මෙම චිත්‍රපටය '800' ලෙසින් නම්කර තිබේ.

එම්.එස්. ශ්‍රීපති විසින් අධ්‍යක්ෂණය කරන මෙම චිත්‍රපටයේ මුරලිගේ චරිතයට පණ පොවන්නේ  මධූර් මිත්තල්ය.

‘800’ 2023 නොවැම්බර් මාසයේදී නිකුත් කිරීමට නියමිතය.

කෙසේ වෙතත් මීට පෙරාතුවද මුරලිගේ චරිතය අලලා චිත්‍රපටයක් නිර්මාණය කිරීමට කටයුතු කර තිබුණත් එයට දකුණු ඉන්දියාව තුළ විරෝධයක් එල්ල වීම හේතුවෙන් එම කටයුත්ත අත්හැර දැමින.