මානසික සුවය වෙනුවෙන් මැක්ස්වෙල් කෙටිකාලීනව ක්‍රිකට් පිටියෙන් ඉවත්වෙයි

තම මානසික සෞඛ්‍ය වෙනුවෙන් කෙටි කලකට ක්‍රිකට් පිටියෙන් ඉවත්වීමට ඔස්ට්‍රේලියානු සුපිරි තුන් ඉරියව් ක්‍රීඩක ග්ලේන් මැක්ස්වෙල් තීරණය කර තිබේ.

ඒ අනුව හෙට (01දා) ශ්‍රී ලංකාව හා පැවැත්වෙන තෙවැනි විස්සයි20 තරගයට මැක්ස්වෙල් ක්‍රීඩා නොකරනු ඇත.

මැක්ස්වෙල්ගේ මෙම තීරණයට ඔස්ට්‍රේලියානු ක්‍රිකට් ආයතනයත්, ඔහුගේ වික්ටෝරියා ප්‍රාන්ත කණ්ඩායමත් එකඟතාව දක්වා තිබේ.

කෙසේ වෙතත් ඔහු නැවතත් ක්‍රිකට් පිටියට පැමිණීම පිළිබඳව ඉගියක් නොමැති බවද ඔස්ට්‍රේලියානු මාධ්‍ය වාර්තා කරයි.

ශ්‍රී ලංකාව  හා පැවැති පළමු විස්සයි20 තරගයේදී පන්දු 28කදී වේගවත් ලකුණු 62ක් වාර්තා කිරීමට මැක්ස්වෙල් සමත්වූයේය.

31 හැවැරිදි මැක්ස්වෙල් තම ගැටලු සම්බන්ධයෙන් වෛද්‍යවරුන්ගේ හමුවූ උපදෙස් ගැනීමටද නියමිතය.