බංග්ලාදේශයට ලංකාවෙන් තවත් පුහුණුකරුවෙක්

බංග්ලාදේශ 19න් පහළ ක්‍රිකට් කණ්ඩායමේ ප්‍රධාන පුහුණුකරු තනතුරට ශ්‍රී ලංකාවේ හිටපු කී‍්‍රඩක නවීඩ් නවාස් මහතා තෝරාගෙන ඇති බව බංග්ලාදේශ ක්‍රිකට් ආයතනය පවසයි.

නවීඩ් නවාස් මහතා මීට පෙර 2009 වසරේ සිට 2014 වසර දක්වා ශ්‍රී ලංකා 19න් පහළ ක්‍රිකට් ප්‍රධාන පුහුණුකරු ලෙස කටයුතු කර ඇති අතර ඔහු ශී‍්‍ර ලංකාව වෙනුවෙන් ටෙස්ට් තරගයකට සහ එක්දින තරග 3කට ක්‍රීඩා කර තිබේ.

එළඹෙන 19න් පහළ ක්‍රිකට් ලෝක කුසලාන තරගාවලිය ඉලක්ක කරගෙන එම තනතුරට නවීඩ් නවාස් මහතා පත්කර ඇති බව බංග්ලාදේශ ක්‍රිකට් ආයතනය වැඩිදුරටත් සඳහන් කරයි.