පුහුණු තරගයේ ජය එංගලන්තයට

සංචාරක එංගලන්ත කණ්ඩායම හා ශ්‍රී ලංකා ක්‍රිකට් සභාපතිගේ කණ්ඩායම අතර පැවැති පුහුණු තරගයේ ජය වාර්තා කිරීමට එංගලන්ත කණ්ඩායම  සමත්විය.

තරගයේ මුලින්ම පන්දුවට පහරදුන් ශ්‍රී ලංකා කණ්ඩායම නියමිත පන්දුවාර50 තුළදී කඩුලු 9ට ලකුණු 287ක් රැස්කිරීමට සමත්විය.

නායක දිනේෂ් චන්දිමාල් ලකුණු 77ක් හා කමිදු මෙන්ඩිස් ලකුණු 61ක් රැස්කිරිමට සමත්විය. එසේම වේගවත් පිතිහරඹයක නිරත වූ ඉසුරු උදාන පන්දු 26කදී ලකුණ 40ක් රැස්කළේ හයේ පහර හා හතරේ පහර තුන බැගින් වාර්තා කරමිනි.

එංගලන්තය වෙනුවේන මොයින් අලී කඩුලු තුනක් දවා ගැනීමට සමත්විය.

පී. සරා පිටියේ පැවැති තරගයේ ලකුණු 288ක ජයග්‍රාහී ඉලක්කයක් හඹා ගිය එංගලන්ත කණ්ඩායම අයපහත් කාලගුණය හේතුවෙන් තරගය නිමා කරන විට පන්දුවා ර 35.3කදී කඩුලු දෙකකට ලකුණු 215ක් රැස්කරගෙන සිටියේය.

ඒ අනුව ඩක්වර්ත් ලුවිස් න්‍යායට අනුව එංගලන්ත කණ්ඩායමට ලකුණු 43ක ජයක් හිමිවිය. එංගලන්ත ඉනිමේ පළමු කඩුලු දෙක ලකුණු 41ක් තුළදී දැවී ගියත් ජෝ රූට් හා නායක මොගන් තෙවැනි කඩුල්ල වෙනුවෙන් ලකුණු 174ක නොබිඳුණු සබඳතාවක් පැවැත්වූහ.

අත් දෙකෙන්ම එකම ඉරියව්වෙන් පන්දු යවන කමිඳු මෙන්ඩිස්