පාපන්දු සිකුරාදා - Football Friday

ක්‍රියාශීලී සෞඛ්‍ය සම්පන්න ජනතාවක් රටට දායාද කිරීමේ අරමුණින් තරුණ හා ක්‍රීඩා අමාත්‍ය නාමල් රාජපක්ෂ මහතාගේ සංකල්පයක් අනුව  "ජයගමු" වැඩසටහන යටතේ  "පාපන්දු සිකුරාදා (Football Friday)" තරුණ හා ක්‍රීඩා අමාත්‍යාංශය මගින් හදුන්වාදෙන දෙවන වැඩසටහන් වේ.

එහි සමාරම්භක උළෙළ 2021 පෙබරවාරි 19 දින ප.ව.6.00 සිට මධ්‍යමරාත්‍රිය දක්වා කොළඹ 07, තුරග තරග පිටියේදී පැවැත්වීමට කටයුතු යොදා ඇත.මෙම වැඩසටහන සදහා පවුලේ සියලුම දෙනාට සහභාගී විය හැකිය.

සුළු පරිමාන ව්‍යාපාරිකයින් විසින් එම ස්ථානයේ කුඩා වෙළදපොළක් සහ පාපන්දු පුහුණු සැසියක් පැවැත්වීමට කටයුතු සැළසුම් කර ඇත.

පවුලේ සියළුදෙනා හට පැමිණ සහභාගී විය හැකි මෙම වැඩසටහන සදහා ජනප්‍රිය ක්‍රිඩක ක්‍රීඩිකාවන් ද සහභාගී වීමට නියමිතය.

සුවදායී විනෝදාස්වාදය, කුඩා වෙළඳපලක් සහ ආහාර වෙළඳසැල් වලින් වටවී ඇති පාපන්දු සිකුරාදා සඳහා සිකුරාදා රාත්‍රියේ  නියමිත සෞඛ්‍ය මාර්ගෝපදේශ පිළිපැදිය යුතු වෙයි.