පාපන්දු නිසා බෙල්ජියම ඇවිලෙයි

ලෝක කුසලාන පාපන්දු තරගාවලියේ අතරතුරදී බෙල්ජියමේ බ්‍රසල්ස් අගනුවරට එක්වූ පාපන්දු ප්‍රේක්ෂකයින් අතර ගැටුමක් ඇතිවී ඇත.

‍තරගාවලියේ බෙල්ජියම හා මොරොක්කෝව අතර ඊයේ (27දා) පැවති තරගය අතරතුරදී මෙම ගැටුම් ඇති වී ඇත. කළහකාරී පිරිස් මෝටර් වීදුරු බිඳ දමමින් ඒවා පෙරලීමට හා ගිනිතැබීමට උත්සාහ කරන ආකාරයද වීඩියෝ දර්ශණවල දක්නට ඇත. මෙම කළහකාරී පිරිස් පාලනය කිරීම උදෙසා පොලිසිය කඳුළු ගෑස් හා ජල ප්‍රහාර එල්ලකරන ආකාරද දක්නට ලැබේ.

මෙම බෙල්ජියම හා මොරොක්කෝව අතර පැවති තරගයෙන් මොරොක්කෝව හමුවේ ගෝල 2-0 ක පරාජයක් බෙල්ජියම හිමිකර ගත්හ.