නව උප නායකට දකුණු අප්‍රිකා ටෙස්ට් තරගාවලිය අහිමි වෙයි

ආබාධයකට ලක්ව සිටීම හේතුවෙන් ඉන්දීය ටෙස්ට් කණ්ඩායමේ නව උප නායක රෝහිට් ෂර්මාට එළඹෙන දකුණු අප්‍රිකා ටෙස්ට් තරගාවලිය අහිමි වී ඇති බව ඉන්දීය මාධ්‍ය වාර්තා කර සිටියි.

දකුණු අප්‍රිකා සංචාරයේ දී රෝහිට් වෙනුවට ප්‍රියාන්ක් පන්චල් ටෙස්ට් සංචිතයට ආදේශ කිරීමටයි එරට තේරීම් කමිටුව පියවර ගෙන ඇත.

පුහුණුවීම් අතරතුර දී ඔහු මෙලෙස ආබාධයකට ලක්ව ඇති බවයි ඉන්දීය මාධ්‍ය වාර්තා කර සිටියි.

තරග 3 බැගින් යුත් ටෙස්ට් හා එක්දින තරගාවලි ඇතුළත් දකුණු අප්‍රිකා සංචාරය ආරම්භ වන්නේ දෙසැම්බර් 26 සෙන්චූරියන්හී දී ආරම්භ වන පළමු ටෙස්ට් තරගයත් සමගයි.