නවසීලන්තය 178ට දැවි යයි

සංචාරක ශ්‍රී ලංකා කණ්ඩායම හා සත්කාරක නවසීලන්ත කණ්ඩායම අතර නවසීලන්තයේ ක්‍රයිස්චර්ච් පිටියේ පැවැත්වෙන දෙවැනි ටෙස්ට් තරගයේ පළමු ඉනිම ක්‍රීඩා කළ නවසීලන්තය ලකුණු 178කට සීමා කිරිමට ශ්‍රී ලංකාව සමත්විය.

කාසියේ වාසිය දිනාගත් ශ්‍රී ලංකා කණ්ඩායමේ ඇරයුමෙන් නවසීලන්තය මුලින්ම පන්දුවට පහරදුන්නේය.

ඒ අනුව ක්‍රියාත්මක වුණ ශ්‍රී ලංකා වේග පන්දු යවන්න් වන සුරංග ලක්මාල් හා ළහිරු කුමාර නවසීලන්තයේ මුල් කඩුලු 6 ලකුණු 64ක් තුළ දවා ගැනීමට සමත්වූහ. කෙසේ වෙතත් බී.ජේ. වොට්ලින් හා ටිම් සවුති හත්වැනි කඩුල්ල වෙනුවෙන් ලකුණු 108ක සබඳතාවක් ගොඩනගමින් නවසීලන්ත ඉනිම ගොඩ නැංවූහ.

නවසීලන්තය 178/10 (පන්දුවාර 50)

බී.ජේ. වොට්ලින් 46 (පන්දු 90), ටිම් සවුති 68 (පන්දු 65), සුරංග ලක්මාල් 54/5 (පන්දුවාර 19), ළහිරු කුමාර 49/4 (පන්දුවාර 14)