දේශීය තරග බිම අද ඇරඹෙයි

කොවිඞ් 19 වෛරසය හේතුවෙන් අතර මඟ නවතා දැමුණු අන්තර් සමාජ පළමු පෙළ ක‍්‍රිකට් තරගාවලිය යළිත් අද (10 දා) සිට ආරම්භ කිරීමට ශ‍්‍රී ලංකා ක‍්‍රිකට් ආයතනය පියවර ගෙන ඇත.

කෝවිඩ් - 19 වෛරසයෙන් බලපෑම් ඇතිවීමෙන් පසු මෙරට ආරම්භ කරනු ලබන පළමු ක‍්‍රිකට් තරග ඉසව්ව බවට පත්වන්නේ මෙම තරගාවලිය වන අතර එය ලබන අගෝස්තු 27 අවසන්වනු ඇත.

 ඒ අනුව සී.සී.සී. සහ රාගම අතර කටුනායකදීද, කෝල්ට්ස් සහ සැරසන්ස් අතර තරගය ඕවල් පිටියේදීද, යුද හමුදාව සහ එන්. සී. සී. අතර තරගය සී.සී.සී. පිටියේදීද සහ බී.ආර්. සී. සහ හලාවත මේරියන්ස් ක‍්‍රීඩා සමාජය අතර තරගය එන්. සී. සී. පිටියේදීද පැවැත්වෙනු ඇත.