දෙවැනි ‌ටෙස්ට් තරගයෙන් ලංකාවට ඉනිමක හා ලකුණු 39ක ජයක්

සංචාරක ඔස්ට්‍රේලියා කණ්ඩායම ඉනිමකින් හා ලකුණු 39කින් පරාජයට පත්කරමින් දෙරට අතර පැවැති දෙවැනි ටෙස්ට් තරගය ජය ගැනිමට ශ්‍රී ලංකා කණ්ඩායම සමත්විය. ඒ් අනුව තරග දෙකකින් සමන්විත වූ ටෙස්ට් තරගාවලිය 1-1ක් ලෙස නිමාවට පත්විය.

තරගයේ මුලින්ම පන්දුවට පහරදුන් ඔස්ට්‍රේලියා කණ්ඩායම ලකුණු 364ක් රැස්කිරීමට සමත්විය. ඒයට පිළිතුරු ඉනිම ක්‍රීඩා කළ ශ්‍රී ලංකා කණ්ඩායම ලකුණු 554ක් රැස්කළේය. සිය දෙවැනි ඉනිම ක්‍රිඩා කළ ඔස්ට්‍රේලියා කණ්ඩායම ලකුණු 151ට සීමා කිරීමට  ශ්‍රි ලංකා කණ්ඩායම සමත්විය.

තරගාවලියේ වීරයා ලෙස මෙම තරගයේදී ද්විත්ව ශතකයක් රැස්කළ දිනේෂ් චන්දිමාල් සම්මාන ලැබූ අතර මංගල තරගයේදී කඩුලු 12ක් දවාගත් ප්‍රභාත් ජයසූරිය තරගයේ වීරයා ලෙස සම්මාන ලැබීය.