දිමුත් T20 පිටියේදීත් දක්ෂතා දක්වයි

ශ්‍රී ලංකා ක්‍රිකට් ආයතනය සංවිධානය කරන විස්සයි20 ලීග ක්‍රිකට් තරගාවලියෙ ගාලු කණ්ඩායම හා මහනුවර කණ්ඩායම අතර ඊයේ පැවැති තරගයේදී පිත්තෙන් දක්ෂතා දැක්වීමට දිමුත් කරුණාරත්න සමත්විය.

ටෙස්ට් පිටියේ දක්ෂතා දක්වන දිමුත් මෙම තරගයේදී ලසිත් මාලිංග ප්‍රමුඛ මහනුවර පන්දු යවන්නන් හමුවේ පන්දු 49කදී ලකුණු 80ක් රැස්කළේ හයේ පහරක් හා හතරේ පහර 12ක් සමගිනි. දිමුත්ගේ ඉනිමෙන් ශක්තිමත් වූ ගාලු කණ්ඩායම ලකුණු 198/5ක් රැස්කිරීමට සමත්විය. මෙහිදී බොහෝ දෙනෙකුගේ අවධානයට ලක්ව තිබෙන පන්දු යවන්නෙක් වන ලසිත් මාලිංග මෙම තරගයේදීත් අසාර්ථක වූ අතර ඔහු පන්දුවාර 4 දී ප්‍රතිවාදීන්ට ලකුණු 35ක් ලබාදුන්නත් එක් කඩුල්ලක් හෝ දවා ගැනීමට නොහැකිවිය.

ලකුණු 199ක ජයග්‍රහාහී ඉලක්කයක් හඹා  යෑමට පිටියට පිවිසි නුවර කණ්ඩායම පන්දුවාර 20 දී කඩුලු 8ට ලකුණු 186ක් රැස්කිරීමට සමත්විය. භානුක රාජපක්ෂ පන්දු 33කදී ලකුණු 63ක් රැස්කිරීමට සමත්විය.