ටෙස්ට් ශ්‍රේණිගත කිරීම්හී කමිඳු, චන්දිමාල්, ඇන්ජි, ප්‍රභාත් හිමි කරගත් ස්ථාන මෙන්න

නවතම ටෙස්ට් ශ්‍රේණිගත කිරීම් ජාත්‍යන්තර ක්‍රිකට් කවුන්සිලය විසින් ප්‍රකාශයට පත් කර තිබේ.

ඒ අනුව ටෙස්ට් පිතිකරුවන් ශ්‍රේණිගත කිරීම් හී 11 වැනි ස්ථානය දක්වා ස්ථාන 05කින් ඉදිරියට පැමිණීමට කමිඳු මෙන්ඩිස් සමත්ව තිබේ.

එමෙන්ම දිනේෂ් චන්දිමාල් 20 වැනි ස්ථානය දක්වා ස්ථාන 06කින් ඉදිරියට පැමිණ ඇති අතර, 23 වැනි ස්ථානය දක්වා ස්තාන 04කින් ඇන්ජලෝ මැතිව්ස් ඉදිරියට පැමිණ ඇත.

මේ අතර ටෙස්ට් පන්දු යවන්නන් ශ්‍රේණිගත කිරීම් හී මෙතෙක් පළමු ස්ථානයේ සිටි ඉන්දියාවේ රවිචන්ද්‍රන් අශ්වින් දෙවන ස්ථානයට ඇද දමමින් පළමු ස්ථානයට පැමිණීමට ඉන්දියාවේ ජස්ප්‍රිට් බුම්රා සමත්ව තිබේ.

එමෙන්ම පන්දු යවන්නන් අතර 08 වැනි ස්ථානය දක්වා එක් ස්ථානයකින් ඉදිරියට පැමිණීමට ශ්‍රී ලංකාවේ ප්‍රභාත් ජයසූරිය සමත්ව ඇත.