ජෝ රූට්ගෙන් මෙන්ඩිස්ට සුබ පැතුම්

ටෙස්ට් ඉනිම 4කදී පිට පිට ලකුණු නොලබා පිටියෙන් දැවී ගිය කුසල් මෙන්ඩිස් අද ලකුණු 15ක් ලබා ගැනීමට සමත් විය. ඒ එංගලන්තය සමග පැවැත්වෙන පළමු ටෙස්ට් තරගයේ ශ්‍රී ලංකා කණ්ඩායමේ දෙවන ඉනිමේදීය. මේ අතර මෙන්ඩිස් සිය ඉනිම ආරම්භ කිරිමට පෙර සුවිශේෂි සිදුවීමක් අද තරගය අතර තුර සිදුවිය.

ඒ ඔහු සිය පළමු පන්දුවට මුහුණ දීමට පෙර එංගලන්ත නායක ජෝ රූට් කුසල් මෙන්ඩිස් අසලට පැමිණ ඔහු‌‌ගේ වම් අත මිට මොලවා කුසල් වෙත දිගු කර ඔහුට සුබ පැතුම් එක් කිරීමයි. 3වන දිනයට අද තරගය අවසන් වනවිට ශ්‍රී ලංකා කණ්ඩායම කඩුලු 2ක් දැවී ලකුණු 156ක් ලබා සිටී.

ඒ අනුව ශ්‍රී ලංකා කණ්ඩායම පිටුපසින් සිටින ලකුණු ගණන 130කි.