ජැෆ්නා කණ්ඩායම පසුපස සිටි පුද්ගලයා ’රසල්’

ශ්‍රී ලංකා ක්‍රිකට් ආයතනය ප්‍රථමවරට සංවිධානය කළ ලංකා ප්‍රිමියර් ලීග විස්සයි20 ක්‍රිකට් තරගාවලියෙ ශූරතාවය දිනා ගැනීමට තිසර පෙරේරගේ නායකත්වයෙන් යුත් ජැෆ්නා ස්ටැලියන්ස් කණ්ඩායම සමත්විය.

ජැෆ්නා කණ්ඩායමේ පුහුණුකරු ලෙස කටයුතු කළේ හිටපු ශ්‍රී ලංකා ක්‍රිකට් ක්‍රීඩකයෙක් වන තිළිණ කණ්ඩම්බිය. මෙය කණ්ඩම්බි පුහුණුකරුවෙක් ලෙස සිය දායකත්වය ලබාදුන් පළමු තරගාවලියද වූයේය.

ජැෆ්නා කණ්ඩායම තරගාවලියේ ශූරතාව හිමිකරගැනීමෙන් පසුව ඒ සඳහා සහාය දැක්වූ සියලු දෙනාටම ස්තූතිය ප්‍රකාශ කිරීමට කණ්ඩම්බි කටයුතු කළ අතර එහිදී ඔහු විශේෂයෙන්ම රසල් ආනෝල්ඩ්ව මතක් කිරීමට කටයුතු කළේ කණ්ඩායම පසුපස සිටි පුද්ගලයා ඔහු බවට හඳුන්වා දෙමිනි.

තරගාවලිය පුරාවටම පිත්තෙන්, පන්දුවෙන් හා පන්දු රැකීමෙන් ජැෆ්නා කණ්ඩායම ඉදිරියෙන් පසුවූ බව කණ්ඩම්බි මෙහිදී සඳහන් කළේය.

මේ ශූරතාවය දිනා ගැනීමෙන් අනතුරුව ජැෆ්නා කණ්ඩායම සිය සතුට සැමරූ ආකාරයයි.