චාමික නැවතත් කණ්ඩායමට - දසුන්ට ස්ථානය අහිමි වෙයි

ඇෆ්ගනිස්තානය හා පැවැත්වීමට නියමිත තරග තුනකින් සමන්විත එක්දින තරගාවලිය සඳහා නම් කළ ශ්‍රී ලංකා සංචිතයට චාමික කරුණාරත්න ඇතුළු පසුගිය තරග වලදී අවස්ථාව අහිමි වූ ක්‍රීඩකයන් කිහිප දෙනෙකුටම යිත් අවස්ථාව ලැබී තිබේ.

මේ අනුව ජනිත් ලියනගේ, චාමික කරුණාරත්න, අවිශ්ක ප්‍රනාන්දු, දුනිත් වෙල්ලාගේ, ප්‍ර මෝද් මධුශාන්, අකිල ධනංජය යන ක්‍රීඩකයන් නැවතත් කණ්ඩායමට කැඳවා තිබේ.

කෙසේ වෙතත් දිගින් දිගටම අසාර්ථක වූ හිටපු නායක දසුන් ශානකට මෙම කණ්ඩායමේ ස්ථානය අහිමි වී තිබේ. කුසල් මෙන්ඩිස් නායකයා ලෙස කටයුතු කරයි.

ශ්‍රී ලංකා සංචිතය - කුසල් මෙන්ඩිස් (නායක), චරිත් අසලංක (උපනායක), පැතුම් නිශ්ශංක, අවිශ්ක ප්‍රනන්දු, සදීර සමරවික්‍රම, ෂෙවොන් ඩැනියෙල්, ජනිත් ලියනගේ, සහන් ආරච්චිගේ, වනිඳු හසරංග,මහීෂ් තීක්ෂණ, දුනිත් වෙල්ලාගේ, අකිල ධනංජය, චාමික කරුණාරත්න, දුෂ්මන්ත චමීර, ඩිල්ෂා් මධුශංක, ප්‍ර මෝද් මධුෂාන්