ගුජරාට්ගෙන් අයි.පී.එල්. වාර්තාවක්

අයි.පී.එල්. තරග ඉතිහාසයේ අවසන්මහා තරගයක කණ්ඩායමක් රැස් කළ වැඩිම ලකුණු සංඛ්‍යාවේ වාර්තාව තමන් සතු කර ගැනිමට ගුජරාට් ටයිටන්ස් කණ්ඩායම සමත්විය. ඒ චෙන්නායි සමගින් අද පැවත්වෙන අයි.පී.එල්. අවසන්මහා තරගයේ සිය පළමු ඉනිමට කඩුළු 4 ක් දැවී ලකුනු 214 ක් රැස් කරමිනි. ගුජරාට් ඉනිම වෙනුවෙන් සායි සුදර්ශන් පන්දු 46 කදී ලකුනු 96 ක් රැස් කලේ හතරේ පහර 8 ක් හා හයේ පහර 6 ක් සමගිනි. ඊට අමතරව රිද්දිමාන් සාහා ලකුනු 53 ක් රැස් කලේය. 

මීට පෙර 2016 වර්ෂයේ පැවති තරගාවලියේ අවසන්මහා තරගයේදී සන්රයිසස් කණ්ඩායම කඩුළු 7 ක් දැවී ලකුණු 208 ක් රැස් කිරීම අයි.පී.එල්. ඉතිහාසයේ කණ්ඩායමක් රැස් කළ වැඩිම ලකුණු සංඛ්‍යාව විය.