කොග්ගලට හා මාතරට ජාත්‍යන්තර ක්‍රිකට් ක්‍රිඩාංගණ
ආසියාවේ හොඳම ක්‍රීඩා කේන්ද්‍රස්ථානයක් බවට ගාල්ල පත්කරන බවත්, එම වැඩපිළිවෙළ ඉදිරියට ගෙන යන අතර, මාතර ජාත්‍යන්තර ක්‍රිකට් ක්‍රීඩාංගණයක් ඉදිකරන බවත් අග්‍රාමාත්‍ය රනිල් වික්‍රමසිංහ මහතා පවසයි.
හෙතෙම මේ බව පැවසුවේ ‘ගාල්ල ලී ග්‍රෑන්ඩ්’ හෝටලය පසුගියදා 31දා සවස විවෘත කිරීමෙන් පසුව පැවැති උත්සව සභාව අමතමිනි.
එහිදී වැඩිදුරටත් අදහස් දැක්වූ ඒ මහතා,
“අපි බලා පොරොත්තු වෙනව ගාල්ලේ අලුත් විශාල ගෝල්ෆ් පිට්ටනි තුනක් ආරම්භ කරන්න. කොළඹ තියෙන්නෙත් එකයි. නුවර තියෙන්නෙත් එකයි.
ඒ එක්කම අපි ක්‍රිකට් ක්‍රීඩාවේ දියුණුව සඳහා ජාත්‍යන්තර ක්‍රිකට් ක්‍රීඩාංගණ තුනක් ඉදිකරන්නයි සැලසුම් සකස් කර තිබෙන්නේ. එකක් තමයි මෙතන තියෙන ක්‍රීඩාංගණය, යුනෙස්කෝ වාර්තා අනුව එය සකස් කරනවා. එය කුඩා ක්‍රීඩාංගණයක්. දැන් මෙතන පන්දහසයි ඇතුළු කරන්න පුළුවන්. කොග්ගල පැත්තෙ විශාල ක්‍රීඩාංගණයක් හදන්න යෝජනා කර තිබෙනවා. ඒක හැදුවම විසිපන්දහසක් තිස් දහසක් ඇතුළු කරන්න පුළුවන්.
මාතරත් ජාත්‍යන්තර ක්‍රිකට් ක්‍රීඩා පිටියක් හදනවා. මෙහෙම කටයුතු කරද්දී ඇයි අපේ රටේ පුද්ගලික විද්‍යුත් මාධ්‍ය මේවට විරුද්ධ වෙන්නේ කියා මම දන්නේ නැහැ. ඒවායේ අයිතිකරුවන් ගෙනල්ල පෙන්නන්න ඕන කරන්නේ මොකද්ද කියල. කොග්ගල එකක් හදනවයි කිව්වම ගිය ආණ්ඩුවේ කිසිවෙක් විරුද්ධ වුණේ නැහැ. මේ ආණ්ඩුවෙන් කරන විට විශාල උද්ඝෝෂණ කරනවා. මේ ප්‍රදේශය අපි ඉදිරියට ගෙන යනවා. ඉතින් මම බලා පොරොත්තු වෙනව අපේ විද්‍යුත් මාධ්‍ය මේවාට සම්පූර්ණ සහාය දෙයි කියල මේවා ඉදිරියට කරගෙන යන්න.” යැයි පැවසීය.
හිනිඳුම - රවීන්ද්‍ර ශ්‍රීලාල්/ ගාල්ල - සිරන්ගිකා ලොකුකරවිට
popular news
-
Manel Wednesday, 01 August 2018 11:35 AM
අනේ වලිගමටත් එකක් දෙන්නකෝ.
Reply : 0 2
Indrajith Wednesday, 01 August 2018 01:22 PM
ඇයි ගින්තොටට , තංගල්ලට, රත්ගමට ------, හැම ගමටම . ආණ්ඩුවට පිස්සු හැදිලා .
Reply : 0 2
Daham Wednesday, 01 August 2018 01:19 PM
ජාත්‍යන්තර ක්‍රිකට් ක්‍රිඩාංගණ කකා ජීවත්වෙන්න කියල තමයි මේ මොලය අමාරු කමක් තිබෙන අගමැති අපට කියන්නේ .
Reply : 0 1
JANATHA ANURA Wednesday, 01 August 2018 02:31 PM
බදු බර පටවනවා පිට්ටනි ගැන කියනවා මහත්තයෝ අපිට එදාවේල නැහැ ක්‍රිකට් ගහන්නේ කොළඹ හතේ මිසක් කොග්ගල අපි නොවේ සිහලුන් දහස් ගණනක් මිය ඇදුනු ඔය කොටුව කඩ දමවූ කියල පැරණි සන්හලයෝ එලොව ඉඳන් හඬ දෙනවා
Reply : 0 0
anura Wednesday, 01 August 2018 02:32 PM
ඉල්ලගෙන කනවා තවත්
Reply : 0 0
Champa Wednesday, 01 August 2018 03:28 PM
This is totally unnecessary. On one hand the PM says he has no money to pay loan installments and on the other hand he is planning to take more loans to build cricket grounds. This type of all unnecessary small small government’s projects are carried out purely to let Ministers to obtain commissions. Ranil is guilty of the CB Bond scam. Therefore, he allows his Ministers also to earn money through commissions to keep them under obligation to him. Sri Lanka’s debt mountain should be much more than we envisage.
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
