කුසල් මෙන්ඩිස්ට කොවිඩ්

ශ්‍රී ලංකා ක්‍රිකට් කණ්ඩායම හා ඔස්ට්‍රේලියාව අතර පැවැත්වීමට නියමිතව විස්සයි20 ක්‍රිකට් තරගාවලියට එක්ව සිටින ශ්‍රී ලංකා පිතිකරු කුසල් මෙන්ඩිස්ට කොවිඩ් ආසාදනය වී ඇති බව වාර්තා වෙයි.

දෙරට අතර පැවැත්වීමට නියමිත තරග පහකින් යුත් විස්සයි20 තරගාවලියට එළැඹෙන 11 දා ආරම්භවීමට නියමිතව තිබේ. මේ අනුව කුසල් මෙන්ඩිස්ට තරගාවලිය අහිමිවීමට වැඩි ඉඩක් පවතී.

තරග තහනමකට ලක්ව සිටි කුසල් මෙන්ඩිස් නිමාවූ සිම්බාබ්වේට එරෙහි තරගාවලියෙදී යළිත් කණ්ඩායමට එක්විය.