ක්‍රිකට් සභාපතිවරයෙකු තනතුරන් ඉවත් කරයි

පාකිස්ථානු ක්‍රිකට් ආයතනයේ සභාපති රමීස් රාජා‍ව වහාම ක්‍රියාත්මක වනපරිදි එම ධුරයෙන් ඉවත්කොට ඇත. ඒ පාකිස්ථානය, එංගලන්තය හමුවේ සිය රටේදීම ටෙස්ට් තරගාවලියක් පූර්ණ තරග පරාජයකට (වයිට්වොෂ්) වීමෙන් අනතුරුවය.

 තරග 3 කින් යුත් මෙම තරගාවලිය තරග 3-0 ක් ලෙස පාකිස්ථානය පරාජය වීමත් සමගින් රමීස් රාජාට මෙලෙස සිය ධුරය අහිමිවී ඇත. රමීස් පසුගිය වර්ෂයේ සැප්තැම්බර් මාසයේදී පාකිස්ථාන ක්‍රිකට් සභාපති ධුරයෙහි වැඩ භාර ගත්තේ වසර 3 ක කාළයක් සඳහායි.

 කෙසේ වෙතත් ඔහුගේ සභාපතීත්වය යටතේ පාකිස්ථානය ආසියානු විස්සයි විස්ස කුසලානයෙහි මෙන්ම ලෝක කුසලාන විස්සයි විස්ස තරගාවලියේදීද අනුශූරතාව හිමිකර ගැනීමට සමත්විය.

මේ අතර රමීස්ගෙන් හිස්වන පාකිස්ථානු ක්‍රිකට් සභාපති ධුරයට පාකිස්ථාන හිටපු ක්‍රිකට් සභාපතිවරයෙකු වූ 73 හැවිරිදි නජාම් සේති පත්කොට ඇත.

නජාම් සේති

රමීස් රාජා