ක්‍රිකට් ක්‍රීඩකයන් නැවතත් පුහුණුවීම් අරඹයි

කොවිඩ් - 19 වසංගතය සැලකිල්ලට ගනිමින් රජය විසින් පනවා ඇති සෞඛ්‍ය රෙගුලාසිවලට අනුකූලව ජාතික පිරිමි ක්‍රීඩකයින් 2020 ජුනි 01 වන දින නැවත පුහුණුවීම්වලට පැමිණෙන බව ක්‍රිකට් ආයතනය නිවේදනය කරයි.

ඒ අනුව තෝරාගත් සාමාජිකයින් 13 දෙනෙකුගෙන් යුත් සංචිතය කොළඹ සී.සී.සී. හි දින 12 ක ‘නේවාසික පුහුණු කඳවුරකට’ භාජනය වන අතර කඳවුරේ මුළු කාලය තුළම ඔවුන් හෝටලයක කණ්ඩායමක් ලෙස රැඳී සිටිනු ඇත.

පුහුණු සහ සහායක කාර්ය මණ්ඩලය සාමාජිකයන් හතර දෙනෙකුගෙන් සමන්විත වේ.

ක්‍රිකට් ක්‍රීඩාව ‘ඉහළ අවදානම්’ ක්‍රීඩාවක් ලෙස දක්වා ඇති අතර නේවාසික පුහුණුව අවශ්‍ය වන රජය විසින් පනවා ඇති සෞඛ්‍ය රෙගුලාසි සැලකිල්ලට ගනිමින් දින 12 ක ‘නේවාසික පුහුණු කඳවුර’ ක්‍රියාත්මක කරන ලදී.

මෙම අභ්‍යාසයට සම්බන්ධ සෑම පුද්ගලයෙකුගේම ආරක්ෂාව සහතික කිරීම සඳහා ශ්‍රී ලංකා ක්‍රිකට් ආයතනය ක්‍රීඩා අමාත්‍යාංශය හා සෞඛ්‍ය අමාත්‍යාංශය සමඟ සාකච්ඡා කර අවශ්‍ය සියලු ක්‍රියාමාර්ග ගෙන ඇති අතර කඳවුරු කාලය තුළ සහ ඊට පෙර පිළිපැදීම සඳහා ක්‍රියා පටිපාටි මාලාවක් සකස් කර ඇත.

ඒ අනුව, සමහර ක්රියා පටිපාටි පහත පරිදි වේ,

- වැඩසටහනට සම්බන්ධ සියලුම වාහන ‘නේවාසික කඳවුර’ ආරම්භ කිරීමට පෙර සහ කඳවුරු කාලය තුළ විෂබීජහරණය කරනු ලැබේ.

- සෞඛ්‍ය නිලධාරීන් මේ වන විටත් හෝටලයට හා පුහුණුවීම් ස්ථානයට ගොස් කඳවුරු කාලය තුළ අදාළ ස්ථානවල කාර්ය මණ්ඩල සාමාජිකයින්ට සෞඛ්‍ය මාර්ගෝපදේශ ලබා දී ඇත.

- කඳවුරට සහභාගී වන සාමාජිකයින්ට, පුහුණු කාලය තුළ හෝටල් පරිශ්‍රයෙන් හෝ පුහුණු ස්ථානයෙන් ඉවත්ව යාමට ඉඩ නොදේ.